2/21/2017

Nə deyim mən?

Məndən səni soruşsalar, nə deyim mən?!
Bilmirəm ki, deyim ki, mənim həyatımdan da ötüb keçmisən… Axtarışdasan, bəlkə də tapmısan yenisini…

Məndən soruşsalar, kim idin mənə?

Bilmirəm ki, deyim ki, bir tanış idin, sonra dost oldun, sonra alınmadı bu dostluğumuz, mən çıxıb getdim, qayıtmadım, bitirdim… Aldatmadım özümü… Anladım ki, dostluğumuz alınmayacaq…

Məndən soruşsalar, hardasan indi?

Bilmirəm ki, deyim ki, bir ayağın gordadır, o biri ayağın bataqlıqda… Batmısan çirkaba, çıxa bilmirsən, dartır səni lap dibinə… Gora gedirsən, gora…

Məndən soruşsalar, yazmıram səndən, axı niyə?

Bilmirəm ki, deyim ki, kim olmusan axı, səndən yazım?! Boş bir yer, heç kim… Vaxtımı sərf etməyə heyfim gəlir… Sözlərim də heyifdir… Layiq deyilsən…

Məndən soruşsalar, nə düşünürəm?

Bilmirəm ki, deyim ki, çox xoşbəxtəm… Canımı vaxtında qrutardım səndən… Qurbanın olmadım, səhv eləmədim… Sən öz yoluna, mən öz yoluma…

Cavablarım bu qədər sadədir axı…
Отправить комментарий